يا عين بعال يا احلى قصيدي
يا روحي ومسقطي ونهار عيدي
يا لوحه من السما الله رسمها
ت صارت عالارض دره فريدي
خلقها وبالحلى التلوين ابدع
بمواسم خير وبيادر حصيدي
وياما ع بيادرها لعبنا
وعلى كروم العنب مديت ايدي
بحضنك فتح الليمون زهرو
وعطاكي من الحلى حلي جديدي
ت داب النحل في شهدا وعسلها
وبطيبة اهلها بنكتب جريدي
انتي مراية الضيعه لبلدها
انتي فرع من ارزي عنيدي
منك اول مهاجر بعثنا
ع دنيا المهجر وهيدي اكيدي
انت شموع ضوت عالقرايا
وعينك طقت عيون الحسيدي
انتي ام ت تحمي ولدها
دفعت روحها عنو شهيدي
انتي يا نبع بحر العطايا
بمزايا ن جيت عددها عديدي
ولانو ولادك بهالكون كلو
عطاهم ربنا سمعه حميدي
اسمحيلي بعض من حقك علينا
اوفي ع المسافات البعيدي
ولانو بحبك المجنون دبنا
وما عندي غير اشعاري رصيدي
اسمحيلي عبر عين بعال روحي
جميلي نرد من فضلك عليي
والك عربون حبي هالقصيدي …….
محمد العبد حوراني…ليون…فرنسا